Kaal Bhairav Ashtakam Song Download

देवराजसेव्यमानपावनांघ्रिपङ्कजं व्यालयज्ञसूत्रमिन्दुशेखरं कृपाकरम् । नारदादियोगिवृन्दवन्दितं दिगंबरं काशिकापुराधिनाथकालभैरवं भजे ॥१॥ Deva-Raaja-Sevyamaana-Paavana-Angghri-Pankajam Vyaala-Yajnya-Suutram-Mindu-Shekharam Krpaakaram | Naarada-[A]adi-Yogi-Vrnda-Vanditam Digambaram Kaashikaa-Pura-Adhinaatha-Kaalabhairavam Bhaje ||1|| भानुकोटिभास्वरं भवाब्धितारकं परं नीलकण्ठमीप्सितार्थदायकं त्रिलोचनम् । कालकालमंबुजाक्षमक्षशूलमक्षरं काशिकापुराधिनाथकालभैरवं भजे ॥२॥ Bhaanu-Kotti-Bhaasvaram Bhavaabdhi-Taarakam Param Niila-Kannttham-Mipsita-Artha-Daayakam Trilocanam | Kaala-Kaalam-mambuja-jakssam-Makssa-Shuulam-Makssaram Kaashikaa-Pura-Adhinaatha-Kaalabhairavam Bhaje ||2|| शूलटङ्कपाशदण्डपाणिमादिकारणं श्यामकायमादिदेवमक्षरं निरामयम् । भीमविक्रमं प्रभुं विचित्रताण्डवप्रियं काशिकापुराधिनाथकालभैरवं भजे ॥३॥ Shuula-Tanka-Paasha-Danndda-Paannim-Madi-Kaarannam Shyaama-Kaayam-Aadi-Devam-Akssaram Nir-Aa Ma Yam | Bhiimavikramam Prabhum Vichitra-Taannddava-Priyam Kaashikaa-Pura-Adhinaatha-Kaalabhairavam Bhaje ||3|| भुक्तिमुक्तिदायकं प्रशस्तचारुविग्रहं भक्तवत्सलं स्थितं समस्तलोकविग्रहम् । विनिक्वणन्मनोज्ञहेमकिङ्किणीलसत्कटिं काशिकापुराधिनाथकालभैरवं भजे ॥४॥ Bhukti-Mukti-Daayakam Prashasta-Caaru-Vigraham Bhakta-Vatsalam Sthitam Samasta-Loka-Vigraham | Vi-Nikvannan-Manojnya-Hema-Kinkinnii-Lasat-Kattim Kaashikaa-Pura-Adhinaatha-Kaalabhairavam Bhaje ||4|| धर्मसेतुपालकं त्वधर्ममार्गनाशकं कर्मपाशमोचकं सुशर्मदायकं विभुम् । स्वर्णवर्णशेषपाशशोभिताङ्गमण्डलं काशिकापुराधिनाथकालभैरवं भजे ॥५॥ Dharma-Setu-Paalakam Tva-Adharma-Maarga-Naashakam Karma-Paasha-Mocakam Su-Sharma-Daayakam Vibhum | Svarnna-Varnna-Shessa-Paasha-Shobhitaangga-Mannddalam Kaashikaa-Pura-Adhinaatha-Kaalabhairavam Bhaje ||5|| रत्नपादुकाप्रभाभिरामपादयुग्मकं नित्यमद्वितीयमिष्टदैवतं निरंजनम् । मृत्युदर्पनाशनं करालदंष्ट्रमोक्षणं काशिकापुराधिनाथकालभैरवं भजे ॥६॥ Ratna-Paadukaa-Prabhaabhi-Raama-Paada-Yugmakam Nityam-Advitiiyam-Isstta-Daivatam Niramjanam | Mrtyu-Darpa-Naashanam Karaala-Damssttra-Mokssannam Kaashikaa-Pura-Adhinaatha-Kaalabhairavam Bhaje ||6|| अट्टहासभिन्नपद्मजाण्डकोशसंततिं दृष्टिपातनष्टपापजालमुग्रशासनम् । अष्टसिद्धिदायकं कपालमालिकाधरं काशिकापुराधिनाथकालभैरवं भजे ॥७॥ Atttta-Haasa-Bhinna-Padmaja-Janndda-Kosha-Samtatim Drsstti-Paata-Nasstta-Paapa-Jaala-Mugra-Shaasanam | Asstta-Siddhi-Daayakam Kapaala-Maalikaa-Dharam Kaashikaa-Pura-Adhinaatha-Kaalabhairavam Bhaje ||7|| भूतसंघनायकं विशालकीर्तिदायकं काशिवासलोकपुण्यपापशोधकं विभुम् । नीतिमार्गकोविदं पुरातनं जगत्पतिं काशिकापुराधिनाथकालभैरवं भजे ॥८॥ Bhuuta-Samgha-Naayakam Vishaala-Kiirti-Daayakam Kaashi-Vaasa-Loka-Punnya-Paapa-Shodhakam Vibhum | Niiti-Maarga-Kovidam Puraatanam Jagatpatim Kaashikaapuraadhinaathakaalabhairavam Bhaje ||8|| कालभैरवाष्टकं पठंति ये मनोहरं ज्ञानमुक्तिसाधनं विचित्रपुण्यवर्धनम् । शोकमोहदैन्यलोभकोपतापनाशनं प्रयान्ति कालभैरवांघ्रिसन्निधिं नरा ध्रुवम् ॥९॥ Kaalabhairavaassttakam Patthamti Ye Manoharam Jnyaana-Mukti-Saadhanam Vicitra-Punnya-Vardhanam | Shoka-Moha-Dainya-Lobha-Kopa-Taapa-Naashanam Prayaanti Kaalabhairava-Amghri-Sannidhim Naraa Dhruvam ||9||